ANGLI – Një letër dashurie e shkruar nga këngëtarja e njohur britanike Amy Winehouse për bashkëshortin e saj, Blake Fielder-Civil, është shitur në ankand për 6,715 paund, përfshirë tarifat.

Bëhet fjalë për një kartolinë të Shën Valentinit, të cilën Winehouse ia dërgoi bashkëshortit në shkurt të vitit 2009, ndërsa ai ndodhej në burg në Suffolk. Letra nuk ishte bërë më parë publike dhe është shkruar në një periudhë të vështirë për marrëdhënien e çiftit.

Në atë kohë, Fielder-Civil kishte paraqitur kërkesën për divorc, ndërsa për këngëtaren qarkullonin edhe spekulime për një lidhje të re.

Në kartolinë, Winehouse shpreh dashurinë dhe mallin për bashkëshortin e saj, duke shkruar:

“Burri im, Blake im. Virtyti është i dhunshëm dhe manushaqet janë blu. Blu, e mavijosur është zemra ime kur rreh për ty. Të dua, i pashëm. Shën Valentini yt, 4 vite të forta. E jotja, Amy.”

Letra u shit më 26 gusht 2026 për 6,715 paund, duke përfshirë tarifat e ankandit. Shitja u realizua vetëm pak ditë përpara përvjetorit të vdekjes së këngëtares.

Amy Winehouse u nda nga jeta në vitin 2011, në moshën 27-vjeçare. Marrëdhënia e saj me Blake Fielder-Civil ishte një prej kapitujve më të komentuar të jetës personale të artistes. Çifti u martua në vitin 2007 dhe u divorcua dy vite më vonë.