VLORË – Një mortajë është gjetur pranë kanalit të ujërave të larta në Vlorë, gjatë punimeve për pastrimin e shtratit të kanalit.

Mjeti është konstatuar nga punonjësit që po kryenin punimet, të cilët kanë njoftuar menjëherë Policinë.

Pas marrjes së njoftimit, shërbimet e Policisë kanë mbërritur në vendngjarje dhe kanë rrethuar zonën, duke marrë masa për garantimin e sigurisë dhe shmangien e çdo rreziku.

Pritet ndërhyrja e strukturave përgjegjëse për vlerësimin e mortajës dhe trajtimin e saj sipas procedurave të sigurisë.

Nga ngjarja nuk raportohet për persona të lënduar.

Autoritetet vijojnë veprimet në terren për të përcaktuar rrethanat e gjetjes dhe për të garantuar sigurinë e zonës.