Një sulm me dron rus ka shkaktuar zjarr dhe shpërthime në një depo që përmbante eksplozivë në rajonin e Kievit, duke detyruar autoritetet ukrainase të evakuonin më shumë se 200 banorë, mes tyre edhe fëmijë.

Ngjarja është regjistruar në fshatin Muyla, në rrethin Buchansky. Pas sulmit, në zonë shpërtheu një zjarr i madh dhe u dëgjuan disa shpërthime, ndërsa autoritetet ndërmorën menjëherë masat për largimin e banorëve nga zona e rrezikut.

Ukraina paralajmëron për negociata të reja me Rusinë/ Budanov: Do të nisin shumë shpejt, por l*fta nuk mbyllet në pak kohë Komandanti i distriktit ushtarak të Kievit, Timur Tkachenko, bëri me dije se mbi 200 persona u evakuuan, ndërsa nga incidenti raportohet edhe për persona të lënduar.

Pas ngjarjes, Zyra e Prokurorit të Përgjithshëm të Ukrainës ka nisur një hetim për rrethanat e incidentit. Një prej pikave që po verifikohet është nëse janë respektuar rregullat për magazinimin e eksplozivëve.

Autoritetet po shqyrtojnë gjithashtu nëse kompania që administronte depon kishte siguruar të gjitha lejet e nevojshme për funksionimin e saj.

Ngjarja ka rikthyer në vëmendje edhe sigurinë e depove të municioneve dhe materialeve shpërthyese në Ukrainë. Kryeministri Serhiy Koretsky ka kritikuar autoritetet për atë që e konsideron si dështim për të nxjerrë mësime nga një incident i ngjashëm që ndodhi në korrik, në një depo municionesh pranë Kievit.

Koretsky e ka cilësuar përsëritjen e rasteve si “neglizhencë kriminale” dhe ka kërkuar që përgjegjësit të mbajnë përgjegjësi.