28 GUSHT 2026 – Hëna e plotë e gushtit mbrëmjen e së enjtes u shoqërua me një tjetër fenomen astronomik, duke krijuar një pamje të veçantë në qiellin e natës.

Bëhet fjalë për një eklips të pjesshëm hënor, gjatë të cilit hija e Tokës u vendos mbi një pjesë të sipërfaqes së Hënës.

Një eklips hënor ndodh kur Toka pozicionohet midis Diellit dhe Hënës, duke bërë që hija e saj të bjerë mbi sipërfaqen hënore.

Në rastin e eklipsit të së enjtes, fenomeni ishte i pjesshëm, por përmasat e tij e bënë atë veçanërisht mbresëlënës. Hija e Tokës mbuloi rreth 96% të sipërfaqes së ndriçuar dhe të dukshme të Hënës, duke krijuar një pamje spektakolare për vëzhguesit.

Fenomeni astronomik u shfaq në qiellin e natës dhe u ofroi të apasionuarve pas astronomisë dhe vëzhguesve të qiellit një mundësi të veçantë për të ndjekur një nga spektaklet më interesante të natyrës.