Objekti i dyshimtë u gjet në rrugë, në lagjen nr. 3. Policia rrethoi zonën, ndërsa specialistët xhenierë ndërhynë dhe eliminuan rrezikun. Grupi hetimor vijon punën për zbardhjen e rrethanave.

DURRËS – Një sasi e vogël lënde plasëse, e lidhur me një aparat celular, është gjetur mëngjesin e sotëm në një rrugë të lagjes nr. 3 në Durrës.

Pas konstatimit të objektit të dyshimtë, shërbimet e Policisë kanë siguruar menjëherë perimetrin e zonës dhe kanë marrë masat për garantimin e sigurisë së qytetarëve.

Në vendngjarje kanë mbërritur specialistët xhenierë të RENEAS, të cilët kanë kryer ndërhyrjen dhe kanë bërë të mundur çaktivizimin e lëndës plasëse. Sipas Policisë, bëhej fjalë për një sasi të vogël lënde plasëse, e lidhur me aparatin celular, ndërsa pas ndërhyrjes është eliminuar çdo rrezik i mundshëm për qytetarët.

Ndërkohë, grupi hetimor, nën drejtimin e Prokurorisë, vijon veprimet për zbardhjen dhe dokumentimin e plotë të rrethanave të rastit, si dhe për përcaktimin e autorësisë dhe qëllimit të vendosjes së lëndës plasëse.

Njoftimi i Policisë:

Durrës/Informacion shtesë Në vijim të njoftimit të dhënë më herët, për gjetjen e një aparati celular të lidhur me një objekt të dyshimtë në rrugë, në lagjen nr. 3, Durrës, ju bëjmë me dije se, pas mbërritjes në vendngjarje, shërbimet e Policisë kanë marrë masat e nevojshme për sigurimin e perimetrit dhe garantimin e sigurisë së qytetarëve. Specialistët xhenierë të RENEAS kanë kryer veprimet e nevojshme dhe kanë bërë të mundur çaktivizimin e lëndës plasëse, në sasi të vogël, që ishte lidhur me aparatin celular, duke eliminuar çdo rrezik të mundshëm. Ndërkohë, grupi hetimor, nën drejtimin e Prokurorisë, vijon punën për zbardhjen dhe dokumentimin e plotë të rrethanave të rastit