Një objekt i dyshimtë i përbërë nga një aparat celular dhe një masë tjetër, i konstatyari në rrugën paralele me portin detar të Durrësit, ka vënë në lëvizje autoritetet policore mëngjesin e sotëm. Forcat e rendit rrethuan menjëherë zonën dhe vendosën një perimetër të rreptë sigurie për të garantuar mbrojtjen e qytetarëve, deri në mbërritjen e ekipeve xheniere.

Sipas të dhënave paraprake nga terreni, pavarësisht dyshimeve të para, masa e dyshimtë nuk rezulton të jetë e lidhur me celularin e gjetur pranë saj. Ndërkohë, forcat xheniere vijojnë verifikimet e detajuara në vendngjarje për të përcaktuar me saktësi natyrën e plotë të objektit dhe për të normalizuar plotësisht situatën në zonë.