Ka ndërruar jetë në Qendrën Klinike Universitare të Kosovës (QKUK) 26-vjeçari Egzon Bytyçi, i cili ishte i dyshuar për vrasjen e rëndë të ndodhur më 23 gusht 2026 në fshatin Kërvasari të Malishevës. Vdekja e tij u konfirmuar nga zëdhënësi i Policisë së Kosovës për rajonin e Gjakovës, Sheremet Elezaj, i cili bëri me dije se i riu ndërroi jetë rreth orës 17:15, si pasojë e plagëve të marra nga arma e zjarrit gjatë incidentit.

I riu ishte duke u trajtuar nën kujdesin intensiv mjekësor që nga dita e ngjarjes, por pavarësisht ndërhyrjes së mjekëve, ai nuk ka mundur t’u mbijetojë plagëve. Ndërkohë, policia dhe organet e drejtësisë vijojnë hetimet për të zbardhur plotësisht të gjitha rrethanat e kësaj ngjarjeje të rëndë.