GJERMANI- Vala e të nxehtit në Gjermani ka shkaktuar më shumë se 15 mijë viktima sipas shifrave të bëra zyrtare. Instituti Robert Koch në raportin e tij javor njoftoi se u prekën kryesisht njerëzit mbi 75 vjeç që vuanin nga sëmundje të mëparshme. Në shumicën e rasteve, sipas Institutit, nxehtësia nuk çon në vdekje, p.sh. përmes goditjes nga nxehtësia, por është një kombinim i temperaturës së lartë dhe sëmundjeve kardiovaskulare, pulmonare ose të veshkave.

Mediat e huaja bëjnë me dije se të paktën 9,600 njerëz vdiqën gjatë javës së 26-të kalendarike veçanërisht të nxehtë, nga 22 deri më 28 qershor, kur termometri kaloi 40 gradë në shumë pjesë të vendit. Midis fundit të korrikut dhe 16 gushtit, rreth 4,000 vdekje lidheshin gjithashtu me vapën. Pasojat e temperaturave të larta dhe thatësirës së zgjatur pushtuan gjithashtu mbledhjen dy-ditore të kabinetit, me kancelarin Friedrich Merz që theksoi, megjithatë, se masat e nevojshme janë përgjegjësi e shteteve