Detaje të reja janë zbardhur nga aksioni i forcave “Shqiponja” që çoi në arrestimin e Ergys Agasit dhe ish-efektivit të Policisë së Shtetit, Uljan Shpataraku, në zonën e Plepave në Durrës.

Sipas burimeve, Agasi dhe Shpataraku po udhëtonin me një automjet tip “Audi” kur kanë konstatuar praninë e një postoblloku policie në autostradë. Në këto rrethana, drejtuesi i automjetit dyshohet se ka tentuar të shmangë kontrollin dhe të vijojë lëvizjen.

Sipas pamjeve të bëra publike, Shpataraku, i cili ndodhej në timon, ka tentuar të kalojë përmes një manovre parakalimi për t’iu shmangur efektivëve. Megjithatë, lëvizja është ndërprerë nga forcat e policisë, të cilat kanë bllokuar automjetin dhe kanë neutralizuar situatën.

Pas ndalimit të mjetit, efektivët kanë bërë shoqërimin dhe më pas arrestimin e dy personave.

Si u lokalizua dhe arrestua Ergys Agasi?

Ergys Agasi, i shpallur në kërkim nga SPAK në kuadër të hetimeve për tenderët e AKSHI-t, u lokalizua fillimisht në Elbasan. Policia ndoqi lëvizjet e automjetit në drejtim të Peqinit dhe Rrogozhinës, deri në zonën e Plepave në Durrës, ku u bë ndërhyrja.

Së bashku me Agasin u arrestua edhe Uljan Shpataraku.

Agasi dyshohet nga organi i akuzës se ka pasur rol në një skemë të hetuar nga SPAK për manipulimin e tenderëve publikë. Në kuadër të kësaj dosjeje po hetohen edhe persona të tjerë, ndërsa Ermal Beqiraj, i cili dyshohet se ka pasur rol në krijimin e një grupi të strukturuar kriminal, është arrestuar më herët në Francë.

Pas arrestimit të Agasit dhe Shpatarakut, me urdhër të SPAK është kryer edhe një kontroll në banesën e këtij të fundit, në zonën e “Liqenit të Thatë” në Tiranë. Sipas burimeve, kontrollet kanë synuar gjetjen e dokumenteve dhe provave elektronike që mund të jenë të lidhura me hetimin.

Në kuadër të së njëjtës dosje, ish-drejtoreshës së AKSHI-t i është ndryshuar masa e sigurisë në “detyrim paraqitjeje”.

Hetimet vijojnë për zbardhjen e plotë të rolit të personave të përfshirë dhe të rrethanave të procedurave të prokurimit të vendos

ura nën hetim.