27 gusht 2026 – Kombëtarja shqiptare U-21 e futbollit ka mbyllur rrugëtimin në Lojërat Mesdhetare “Taranto 2026”, pasi e përfundoi Grupin B në vendin e tretë me 4 pikë.

Kuqezinjtë, të drejtuar nga Alban Bushi, u mposhtën 2-0 nga Algjeria në ndeshjen e fundit të fazës së grupeve, të zhvilluar të mërkurën.

Pjesa e parë u mbyll pa gola, ndërsa në fraksionin e dytë Algjeria arriti të zhbllokojë takimin dhe më pas të dyfishojë avantazhin. Për ekipin algjerian shënuan Lahlou Akhrib dhe Houssem Abdelaziz.

Shqipëria e mbylli fazën e grupeve me 4 pikë, pas barazimit 1-1 ndaj Italisë dhe fitores 3-1 ndaj Kosovës.

Megjithatë, fitorja e Italisë me rezultatin 3-0 ndaj Kosovës ndryshoi renditjen e grupit. Italianët kaluan Shqipërinë falë golavarazhit më të mirë dhe siguruan një vend në gjysmëfinale.

Kështu, kuqezinjtë e mbyllin aventurën në “Taranto 2026” me një fitore, një barazim dhe një humbje në tre ndeshje.

Renditja e Grupit B Algjeria – 9 pikë Italia – 4 pikë Shqipëria – 4 pikë Kosova – 0 pikë Pavarësisht eliminimit, Shqipëria U-21 la pas një paraqitje pozitive në turne, duke marrë pikë ndaj Italisë dhe një fitore bindëse ndaj Kosovës.