Të dhënat po ngarkohen...
Transmetuar më 26-08-2026, 19:59
DURRËS — Bashkë me biznesmenin Ergys Agasi, i shpallur në kërkim nga SPAK, është arrestuar edhe Uliam Shpataraku, ish-punonjës policie.
Sipas raportimit të gazetares Klodiana Lala, Agasi dhe Shpataraku janë lokalizuar fillimisht në Elbasan, ku ndodheshin në një automjet. Më pas, dy personat kanë udhëtuar drejt Durrësit, ku janë ndaluar nga forcat e policisë në zonën e Plepave.
Arrestimi i tyre është kryer në kuadër të zhvillimeve të fundit në dosjen e AKSHI-t, hetim që po zhvillohet nga Prokuroria e Posaçme Kundër Korrupsionit dhe Krimit të Organizuar.
Agasi ishte shpallur më herët në kërkim nga SPAK, ndërsa përfshirja dhe roli i ish-punonjësit të policisë Uliam Shpataraku në këtë çështje pritet të qartësohen gjatë vijimit të hetimeve.
Autoritetet pritet të japin më shumë detaje lidhur me akuzat dhe rrethanat e arrestimit të dy personave.
Personat nën hetim prezumohen të pafajshëm deri në një vendim gjyqësor të formës së prerë.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd