Një zjarr me përmasa të mëdha është përhapur mbrëmjen e sotme në malin e Shashicës, mbi fshatin Kaninë.

Flakët janë shfaqur në një zonë malore me terren të thepisur, duke e bërë të vështirë ndërhyrjen e forcave zjarrfikëse. Ekipet e emergjencës janë nisur drejt vendit të ngjarjes për të vënë nën kontroll situatën.

Era e fortë që po fryn në zonë favorizon përhapjen e flakëve, duke rritur rrezikun që zjarri të përparojë në sipërfaqe më të mëdha.

Në zonën e prekur nga zjarri ka kryesisht shkurre dhe bimësi të thatë, ndërsa në mal ndodhen edhe disa stane me bagëti. Prania e tyre ka shtuar shqetësimin për sigurinë e banorëve dhe të gjësë së gjallë.

Forcat zjarrfikëse vijojnë përpjekjet për izolimin e vatrës, ndërsa situata mbetet në monitorim për shkak të kushteve të vështira të terrenit dhe erës së fortë.