Protesta qytetare para Kryeministrisë në Tiranë ka hyrë në ditën e 87-të, ndërsa nga podiumi protestuesit vijuan thirrjet kundër qeverisë së kryeministrit Edi Rama.

Gjatë protestës, fjalën e mori një ish-oficer i Policisë, i cili u bëri thirrje qytetarëve që t’i bashkohen tubimeve dhe të dalin në shesh për të kërkuar largimin e qeverisë.

Në fjalën e tij, ai e cilësoi mobilizimin qytetar si mënyrën e vetme për të larguar atë që e përshkroi si “klikë” që, sipas tij, ka qeverisur dhe ka dëmtuar vendin për më shumë se 36 vjet.

“Ka vetëm një zgjidhje. Burra, gra, fëmijë, i madh edhe i vogël, pensionistë, punëtorë, të papunë, ejani në shesh. Nëse doni që ta zhdukim këtë klikë që ia ka pirë gjakun mbi 36 vjet këtij vendi. Vendin mos e lëshoni”, deklaroi ai.

Thirrja u bë gjatë protestës së 87-të, e cila vijon të zhvillohet përpara godinës së Kryeministrisë.

Protestuesit kërkojnë ndryshime politike dhe largimin e qeverisë Rama, ndërsa tubimet vijojnë prej javësh në kryeqytet.