Holanda nuk do të marrë pjesë në edicionin e vitit 2027 të Eurovision Song Contest. Vendimi është marrë nga transmetuesi publik holandez Avrotros, i cili e lidh tërheqjen me ndikimin në rritje të konflikteve ndërkombëtare, veçanërisht luftës në Gaza, mbi organizimin e konkursit.

Drejtori i Përgjithshëm i Avrotros, Taco Zimmerman, tha se Eurovisioni po shndërrohet gjithnjë e më shumë në një arenë për përplasje politike, duke cenuar, sipas tij, karakterin neutral të festivalit.

Holanda ishte ndër vendet që bojkotuan Eurovisionin e vitit 2026, në shenjë proteste ndaj pjesëmarrjes së Izraelit në konkurs.

Tërheqja nga edicioni i vitit 2027 vjen pasi organizatorët njoftuan ndryshime në rregullat e Eurovisionit, përfshirë masa që lidhen me vendet e përfshira në konflikte të armatosura.

Eurovision 2027 pritet të zhvillohet në Burgas të Bullgarisë, pas fitores së këngëtares Dara në edicionin e zhvilluar në Vjenë.

Vendimi i Holandës pritet të rikthejë debatin mbi raportin mes muzikës, politikës dhe konflikteve ndërkombëtare në një prej eventeve më të ndjekura televizive në Evropë.