Nea Smyrni, kamerat regjistrojnë vrasjen e 45-vjeçares: 48-vjeçari e priti jashtë shtëpisë dhe më pas vrau veten

Pamjet e kamerave të sigurisë po ndihmojnë hetuesit grekë të rindërtojnë minutë pas minute vrasjen e 45-vjeçares në Nea Smyrni, në orët e para të së dielës, 23 gusht. Sipas të dhënave të deritanishme, 48-vjeçari me origjinë shqiptare, Altin Allmuça, dyshohet se kishte planifikuar lëvizjet e tij dhe e kishte pritur viktimën jashtë ndërtesës ku ajo ndodhej. Pas vrasjes së gruas, autori përdori të njëjtën armë për t’i dhënë fund jetës.

Hetuesit po analizojnë pamjet e kamerës së vendosur në hyrjen e pallatit, të cilat kanë regjistruar momentet para dhe gjatë sulmit.

Sipas të dhënave që po shqyrton Departamenti i Vrasjeve, 48-vjeçari kishte mbërritur në zonë rreth orës 05:30 të mëngjesit dhe kishte lënë makinën rreth 100 metra larg ndërtesës. Policia dyshon se ai e njihte orarin e lëvizjes së viktimës dhe po priste momentin kur ajo do të dilte.

Kur 45-vjeçarja Luljeta Ozbova doli, burri e befasoi. Informacionet e publikuara nga mediat greke bëjnë me dije se ai e kërcënoi me revolver dhe dyshohet se e detyroi të gjunjëzohej përpara se ta qëllonte. Më pas u largua disa metra dhe qëlloi veten.

Arma u gjet pranë trupit të 48-vjeçarit dhe është dërguar për ekzaminime kriminalistike. Në automjetin e tij janë gjetur gjithashtu municione të të njëjtit kalibër me ato të armës së përdorur në ngjarje.

Vrasja e 45-vjeçares në Nea Smyrni, pamje pas pamjeje

Një pritë vdekjeprurëse i kishte ngritur viktimës së tij 48-vjeçari, autor i vrasjes që ndodhi në orët e para të së dielës, 23/08, me viktimë një grua 45-vjeçare, e cila mbeti e vdekur nga plumbat në hyrje të shtëpisë së saj. Pas krimit, autori vrau veten.

Hetimet e autoriteteve policore janë përqendruar tashmë si te e kaluara penale e autorit, i cili më pas kreu vetëvrasje, ashtu edhe te rrethanat në të cilat ndodhi vrasja e 45-vjeçares në Nea Smyrni. Policia po shqyrton materialin filmik nga kamera e vendosur në hyrjen e pallatit, e cila ka regjistruar pamje pas pamjeje skenën e vrasjes. Të dhënat çojnë drejt mundësisë që autori t’i kishte planifikuar me saktësi lëvizjet e tij, duke i ngritur një pritë vdekjeje jashtë banesës së viktimës.

Kronologjia e sulmit

Sipas të dhënave që po shqyrton Departamenti i Vrasjeve, 48-vjeçari mbërriti në zonë rreth orës 05:30 të mëngjesit të së dielës, duke parkuar makinën e tij në rrugën Grigoriou Kydonion, rreth 100 metra larg pallatit të 45-vjeçares. Duke ditur rutinën e përditshme të viktimës dhe orarin kur ajo nisej për në punë, ai priti që ajo të dilte.

Pamjet filmike dhe informacionet tregojnë momentet dramatike që pasuan: autori e befasoi gruan sapo ajo doli nga apartamenti i saj në katin përdhes, e kërcënoi me revolver dhe dyshohet se e detyroi të gjunjëzohej në hyrjen e pallatit përpara se ta qëllonte. Më pas, 48-vjeçari e drejtoi armën ndaj vetes, duke i dhënë fund jetës.

Në vendngjarje u dëgjuan të shtëna të njëpasnjëshme, të cilat alarmuan banorët e zonës, ndërsa arma e krimit u gjet pranë trupit të autorit dhe u dërgua në laboratorët kriminalistikë. Gjithashtu, në automjetin e 48-vjeçarit u gjetën plumba të të njëjtit kalibër me ata që u përdorën në krim.

Kërcënimet dhe ndërrimi i bravave

Në qendër të hetimeve është e kaluara e marrëdhënies së tyre. Megjithëse në bazat e të dhënave të policisë nuk kishte një histori të regjistruar të dhunës në familje, dëshmi të ndryshme bëjnë me dije se 45-vjeçarja kishte frikë për jetën e saj për shkak të xhelozisë së fortë dhe kërcënimeve nga ana e 48-vjeçarit, aq sa së fundmi kishte vendosur të ndërronte edhe bravat e shtëpisë.

45-vjeçari dyshohet se kishte një të kaluar penale në Tiranë, pasi ishte vënë në vëmendjen e autoriteteve me akuzën për dhunë në familje ndaj bashkëshortes së tij, ndërsa dyshohet gjithashtu edhe për përndjekje obsesive (stalking).

Autoritetet vijojnë marrjen e dëshmive nga familjarët dhe miqtë, ndërsa paralelisht po zhbllokojnë telefonat celularë dhe komunikimet elektronike të autorit, i cili më pas kreu vetëvrasje, me qëllim zbardhjen e shkaqeve të tragjedisë.

Dyshimet për kërcënime para vrasjes

Një pjesë e rëndësishme e hetimit lidhet me marrëdhënien që viktima kishte pasur më parë me 48-vjeçarin.

Sipas informacioneve të mbledhura nga autoritetet, 45-vjeçarja mund të ketë pasur frikë për sigurinë e saj. Mediat greke raportojnë se ajo kishte ndryshuar së fundmi bravat e banesës ku jetonte me vajzën e saj të mitur, ndërsa po verifikohen dëshmi që flasin për kërcënime dhe xhelozi nga ana e autorit.

Megjithatë, hetuesit nuk kishin gjetur deri në këtë fazë ndonjë histori të regjistruar zyrtarisht të dhunës në familje mes viktimës dhe 48-vjeçarit.

Në qendër të hetimit është edhe e kaluara e autorit. Sipas informacioneve të publikuara në Greqi, ai kishte pasur probleme me autoritetet shqiptare në vitin 2016 për një rast që lidhej me ngacmimin dhe përndjekjen e bashkëshortes së atëhershme.

Telefonat mund të zbardhin motivin

Pavarësisht se kamerat kanë ndihmuar në rindërtimin e dinamikës së krimit, pyetja kryesore mbetet ende pa një përgjigje përfundimtare: çfarë e shtyu 48-vjeçarin drejt vrasjes?

Policia po analizon telefonat celularë, komunikimet elektronike dhe sendet e sekuestruara në banesën dhe automjetin e autorit. Po merren gjithashtu dëshmi nga familjarë, miq dhe persona që njihnin marrëdhënien mes tyre.

Hetuesit po përpiqen të përcaktojnë nëse pas krimit qëndronte xhelozia dhe përfundimi i marrëdhënies apo nëse kishte edhe konflikte të tjera mes tyre. /noa.al