KURBIN — Policia e Shtetit ka finalizuar operacionin e koduar “Reagimi”, duke vënë në pranga një 34-vjeçar në fshatin Adriatik të Kurbinit, pasi dyshohet se ka kanosur me armë zjarri tre pjesëtarë të një familjeje, konkretisht një baba dhe dy djemtë e tij.

Në pranga ka rënë shtetasi N. N., 34 vjeç, banues në të njëjtin fshat. Ai akuzohet për veprat penale “Mbajtja pa leje dhe prodhimi i armëve, armëve shpërthyese dhe i municionit”, “Kanosja” dhe “Dëmtime të tjera me dashje”.

Sipas burimeve zyrtare nga Policia, ngjarja ka ndodhur mbrëmjen e datës 22 gusht 2026, rreth orës 20:00, në fshatin Adriatik. Për motive të dobëta, 34-vjeçari ka kanosur me armë zjarri pistoletë shtetasit N. N. (babai, 72 vjeç), si dhe dy djemtë e tij, M. N. (43 vjeç) dhe A. N. (50 vjeç). Gjatë konfliktit, i dyshuari ka goditur me grushte edhe 50-vjeçarin.

Pas marrjes së njoftimit, shërbimet e Komisariatit të Policisë Kurbin organizuan operacionin, i cili çoi në lokalizimin dhe arrestimin në flagrancë të autorit.

Gjatë kontrollit të ushtruar në banesën e të arrestuarit, shërbimet e policisë gjetën dhe sekuestruan në cilësinë e provës materiale:

Një armë zjarri pistoletë, e cila dyshohet se u përdor në ngjarje;

Dy krehra armësh;

Sasi municioni luftarak.

Materialet procedurale i kanë kaluar Prokurorisë për veprime të mëtejshme ligjore.

Kurbin / Finalizohet operacioni i koduar “Reagimi”.

Kanosi me armë zjarri pistoletë 3 shtetas (babai dhe dy djemtë), për motive të dobëta, arrestohet në flagrancë 34-vjeçari.

Sekuestrohen arma e zjarrit pistoletë e dyshuar e përdorur për kanosjen, 2 krehra dhe municion luftarak.

Shërbimet e Komisariatit të Policisë Kurbin, pas marrjes së informacionit se në fshatin Adriatik, 3 shtetas ishin kanosur me armë zjarri, kanë organizuar menjëherë punën për zbardhjen e rrethanave të rastit dhe kapjen e autorit.

Si rezultat i veprimeve të shpejta hetimore dhe operacionale, u finalizua operacioni i koduar “Reagimi”, gjatë të cilit u arrestua shtetasi:

N. N., 34 vjeç, banues në fshatin Adriatik, Kurbin, për veprat penale “Mbajtja pa leje dhe prodhimi i armëve, armëve shpërthyese dhe i municionit”, “Kanosja” dhe “Dëmtime të tjera me dashje”.

Ky shtetas dyshohet se, më datë 22.08.2026, rreth orës 20:00, në fshatin Adriatik, ka kanosur me armë zjarri, për motive të dobëta, shtetasit N. N., 72 vjeç, M. N., 43 vjeç dhe A. N., 50 vjeç (babai dhe dy djemtë e tij), si dhe ka goditur me grushte shtetasin 50-vjeçar.

Gjatë kontrollit në banesën e të arrestuarit, shërbimet e Policisë gjetën dhe sekuestruan, në cilësinë e provës materiale, armën e zjarrit pistoletë me të cilën dyshohet se ka kryer kanosjen, 2 krehra dhe municion luftarak.

Materialet procedurale iu referuan Prokurorisë, për veprime të mëtejshme.