Një aksident rrugor është regjistruar mëngjesin e kësaj të hëne në aksin Levan-Tepelenë, ku janë përfshirë tre automjete. Si pasojë e përplasjes, një person ka mbetur i lënduar lehtë.

Sipas të dhënave paraprake nga policia, tre automjetet janë përplasur në mënyrë zinxhir. Përplasja ka shkaktuar dëme materiale, ndërsa një person ka pësuar dëmtime të lehta.

I lënduari është transportuar në Spitalin Rajonal të Fierit, ku ka marrë ndihmën e nevojshme mjekësore. Sipas informacionit të disponueshëm, pas trajtimit ai është larguar nga spitali.

Në vendngjarje kanë mbërritur forcat e Policisë dhe shërbimet e qarkullimit rrugor, të cilat kanë ndërhyrë për menaxhimin e trafikut dhe vijimin normal të lëvizjes.