POGRADEC – Pas rreth shtatë orësh diskutime, ka përfunduar mbledhja e zhvilluar në Pogradec mes kryeministrit Edi Rama, drejtuesve politikë të qarqeve dhe kabinetit qeveritar.

Takimi, i zhvilluar me dyer të mbyllura, nisi rreth orës 11:30 dhe u fokusua në koordinimin e punës së strukturave politike dhe qeverisëse në rang rajonal.

Gjatë mbledhjes është diskutuar edhe dokumenti “Besa”, ndërsa Rama ka kërkuar sugjerime dhe propozime për përmirësimin e bashkëpunimit mes ministrave, drejtuesve politikë, deputetëve dhe drejtorëve rajonalë.

Mbledhja e radhës është parashikuar të zhvillohet ditën e hënë.