KOSOVË – Ish-kongresisti amerikan Joe DioGuardi dhe aktivistja Shirley Cloyes DioGuardi do të marrin zyrtarisht shtetësinë e Republikës së Kosovës gjatë një ceremonie të posaçme që do të zhvillohet nesër në orën 11:00.

Dekretet e shtetësisë do t’u dorëzohen nga ushtruesja e detyrës së Presidentes së Kosovës, Albulena Haxhiu, në një ceremoni që vlerëson kontributin e dy figurave në mbështetje të Kosovës dhe çështjes shqiptare.

Joe DioGuardi, ish-kongresist amerikan dhe ish-kryetar i Ligës Qytetare Shqiptaro-Amerikane, është angazhuar për vite me radhë në promovimin e të drejtave të shqiptarëve dhe në mbështetje të lirisë dhe pavarësisë së Kosovës në Shtetet e Bashkuara.

Edhe Shirley Cloyes DioGuardi ka qenë prej vitesh aktive në çështjet që lidhen me Kosovën dhe të drejtat e shqiptarëve, duke luajtur një rol të rëndësishëm në sensibilizimin e opinionit amerikan për zhvillimet në Kosovë.