POGRADEC – Një i moshuar nga Pogradeci ka pritur për rreth pesë orë jashtë rezidencës qeveritare, në pritje të përfundimit të mbledhjes së Partisë Socialiste me drejtuesit politikë, me një qëllim të qartë: të takojë dhe të falënderojë personalisht kryeministrin Edi Rama.

Në një intervistë për Euronews Albania, ai tha se qeveria i kishte zgjidhur problematikat e tij dhe se për këtë arsye dëshironte të takonte Ramën, ndërsa vlerësoi edhe kryetarin e Bashkisë Pogradec, Ilir Xhakolli, për ndërhyrjen në zgjidhjen e shqetësimeve të tij.

Gazetari: Edhe një herë, s’e kuptova, përse do ta takosh Ramën?

Zotëria: Për problemet që më ka shtruar mua, i kam ndjekur këtu, m’i ka zbatuar Iliri. Edhe ta përqafoj atë.

Gazetari: Kush Ilir, kryetari i bashkisë?

Zotëria: Eee.

Gazetari: T’i ka zgjidhur?

Zotëria: Po.

Gazetari: Edhe kërkon thjesht ta falënderosh?

Zotëria: Po, po.

Gazetari: Po mbaron vonë Rama.

Zotëria: Kur të mbarojë, do ta përqafoj njëherë kështu, me kaq.

Gazetari: Vetëm për ta përqafuar?

Zotëria: Po, kaq. Do rri.

I moshuari tha se do të vijonte të priste deri në përfundimin e takimit, pavarësisht kohës së gjatë të pritjes, me shpresën se do të kishte mundësi të takonte kryeministrin dhe t’i shprehte personalisht mirënjohjen për zgjidhjen e problemeve të tij.