Marrëdhënie të vjetra që rikthehen, kufij që duhet vendosur dhe zgjedhje që nuk mund të shtyhen më. Për disa shenja, muajt e ardhshëm mund të sjellin një rishikim të fortë të dashurisë dhe njerëzve që mbajnë pranë

Nëse këto ditë ju duket sikur disa situata po kthehen pas, marrëdhëniet po kërkojnë rishikim ose vendimet po bëhen më të vështira, astrologët e lidhin këtë atmosferë me disa lëvizje retrograde që po ndodhin njëkohësisht.

Nuk bëhet fjalë vetëm për Mërkurin. Aktualisht Saturni, Neptuni, Plutoni dhe Kironi janë në lëvizje retrograde dhe, sipas astrologes Neda Farr, muajt e ardhshëm mund të sjellin një periudhë të fortë rishikimi dhe ndryshimesh.

Në astrologji, retrogradët interpretohen shpesh si periudha ku tema të vjetra rikthehen për t’u parë me sy tjetër: marrëdhënie, kufij personalë, punë, vetëbesim dhe vendime që mund të jenë shtyrë prej kohësh.

Ja çfarë mund të sjellë kjo fazë për secilën shenjë.

Dashi

Ka ardhur momenti të mos pranoni më çdo kompromis vetëm për të ruajtur qetësinë.

Kjo periudhë ju shtyn të rishikoni njerëzit që keni pranë dhe mënyrën se si ndikojnë tek ju. Kushtojini vëmendje marrëdhënieve ku jepni vazhdimisht energji, por merrni shumë pak në këmbim.

Sipas Neda Farr, në fund të kësaj periudhe mund të keni standarde shumë më të qarta dhe një vetëbesim ndryshe.

Mos e shihni largimin nga një marrëdhënie e lodhshme si humbje. Ndonjëherë të vendosni një kufi është pikërisht ajo që ju duhet për të hapur hapësirë për diçka më të mirë.

Demi

Për ju kjo mund të jetë një periudhë e rëndësishme rritjeje personale.

Mund të filloni të kuptoni se ku e keni kufizuar veten, sidomos në dashuri. Pasiguritë ose dëshira për t’u përshtatur me pritshmëritë e të tjerëve mund t’ju kenë bërë të silleni ndryshe nga ajo që dëshironi vërtet.

Tani kërkohet më shumë autenticitet.

Mos bëni zgjedhje vetëm për të marrë miratimin e të tjerëve. Një marrëdhënie që ju kërkon vazhdimisht të ndryshoni veten për t’u pranuar mund të jetë pikërisht ajo që duhet rishikuar.

Binjakët

Zakonisht preferoni të ecni përpara pa u kthyer shumë tek e kaluara. Por këtë herë disa histori të vjetra mund të kërkojnë vëmendjen tuaj.

Mund të mendoni përsëri për marrëdhënie që kanë ndikuar në mënyrën se si silleni sot.

Nuk përjashtohet as rikthimi i një personi nga e kaluara. Por ideja nuk është domosdoshmërisht që historia të rifillojë.

Mund të jetë thjesht një mundësi për të kuptuar pse një marrëdhënie përfundoi, çfarë mësuat dhe çfarë nuk dëshironi të përsërisni.

Përpara se të hapni sërish një derë të vjetër, pyeteni veten nëse personi ka ndryshuar apo nëse është thjesht nostalgjia që po flet.

Gaforrja

Kjo periudhë mund t’ju bëjë të shikoni ndryshe rrethin shoqëror.

Mund të kuptoni se për një kohë të gjatë jeni përshtatur me grupe ose njerëz ku nuk jeni ndier plotësisht vetvetja.

Në muajt e ardhshëm disa miqësi mund të ndryshojnë, ndërsa njerëz të rinj mund të hyjnë në jetën tuaj.

Sipas astrologes, pikërisht përmes këtyre kontakteve të reja mund të vijë edhe një njohje sentimentale.

Mos qëndroni në një grup vetëm sepse e njihni prej kohësh. Nëse nuk ndiheni më pjesë e tij, ndryshimi mund të jetë shumë më i dobishëm nga sa mendoni.

Luani

Kjo fazë ju fton të ndani më qartë suksesin profesional nga vlera personale.

Karriera është e rëndësishme, por nuk mund të bëhet e vetmja gjë që përcakton se sa të kënaqur ndiheni me veten.

Mund të kuptoni se gjatë një periudhe keni sakrifikuar shumë kohë personale për objektiva, përgjegjësi dhe arritje.

Edhe në dashuri duhet të shikoni me kujdes se kë zgjidhni.

Personi i duhur duhet të mbështesë ambiciet tuaja, jo t’i shohë si konkurrencë.

Vazhdoni të synoni lart, por mos harroni njerëzit që qëndrojnë pranë jush edhe kur nuk ka asnjë sukses për t’u festuar.

Virgjëresha

Mos hiqni dorë nga ideja e një marrëdhënieje të qëndrueshme vetëm sepse disa histori nuk kanë funksionuar.

Sipas Neda Farr, Virgjëresha mund të ketë krijuar bindjen se dashuria e gjatë “nuk është për të” ose se çdo marrëdhënie përfundon njësoj.

Muajt e ardhshëm mund t’ju bëjnë t’i rishikoni pikërisht këto mendime.

Jo çdo person është një përsëritje e së shkuarës.

Nëse e nisni një njohje të re duke kërkuar menjëherë shenjën që diçka do të shkojë keq, mund të mbyllni një mundësi përpara se ajo të ketë pasur kohë të zhvillohet.

Mbani standardet tuaja, por lini pak hapësirë edhe për surpriza.

Peshorja

Kironi retrograd mund të prekë më fort temat emocionale që keni tentuar t’i lini pas.

Një zhgënjim, ndjesia e braktisjes ose përvoja ku mendoni se keni dhënë shumë më tepër se pala tjetër mund të rikthehen në mendje.

Nuk është domosdoshmërisht e këndshme, por mund të shërbejë për të kuptuar pse disa modele vazhdojnë të përsëriten.

Në vend që t’i fshehni emocionet për të ruajtur ekuilibrin, pranoni atë që ndieni.

Nëse një marrëdhënie kërkon gjithmonë që ju të sakrifikoni veten për të shmangur konfliktin, ndoshta problemi nuk është mënyra se si po e menaxhoni – por vetë raporti.

Akrepi

Marrëdhëniet bëhen një pasqyrë e fortë për ju.

Mund të kuptoni se disa modele po përsëriten: njerëz emocionalisht të paarritshëm, persona që mendoni se duhet t’i “shpëtoni” ose marrëdhënie ku qëndroni edhe kur nuk po merrni atë që dëshironi.

Këtë herë është më e vështirë të bëni sikur nuk e shihni problemin.

Pyetja kryesore është: pse vazhdoni të tërhiqeni nga të njëjtat dinamika?

Nëse përgjigjja bëhet më e qartë, edhe zgjedhjet sentimentale mund të ndryshojnë.

Mos u përqendroni vetëm te ndryshimi i personit tjetër. Shikoni edhe atë që mund të ndryshoni ju në mënyrën se si zgjidhni.

Shigjetari

Koha për kufij më të qartë.

Mund të kuptoni se keni marrë përsipër shumë punë, keni lënë pas dore veten ose jeni bërë personi që dëgjon dhe zgjidh vazhdimisht problemet e të tjerëve.

Kjo nuk mund të vazhdojë pafund.

Të jeni të disponueshëm për njerëzit që doni nuk do të thotë të lini mënjanë nevojat tuaja.

Në punë, në miqësi dhe në marrëdhënie, filloni të ndani atë që jeni të gatshëm të bëni nga ajo që thjesht po e pranoni nga zakoni.

Vendosja e kufijve nuk është egoizëm; është mënyrë për të mos arritur në pikën ku lodhja kthehet në zemërim.

Bricjapi

Dashuria mund të rikthehet fuqishëm në vëmendjen tuaj.

Një zhgënjim i mëparshëm mund t’ju ketë bërë më të rezervuar dhe më pak të gatshëm për të lejuar dikë të afrohet.

Por kjo periudhë ju fton të zbutni pak ato mure.

Sipas astrologes, Kironi retrograd mund t’ju ndihmojë të riktheheni te flirti, gëzimi dhe dëshira për të njohur dikë pa menduar menjëherë se si mund të përfundojë historia.

Jo çdo njohje duhet të kalojë menjëherë testin e “a do të zgjasë përgjithmonë?”.

Ndonjëherë duhet vetëm ta lini dikë t’ju surprizojë.

Ujori

Kjo periudhë kërkon më shumë reflektim.

Mund të rikthehen kujtime ose përvoja të hershme që ju ndihmojnë të kuptoni pse disa njerëz ju janë dukur kaq familjarë, edhe kur marrëdhënia me ta nuk ka qenë e mirë për ju.

Ndonjëherë ajo që na duket “e njohur” nuk është domosdoshmërisht edhe ajo që na bën mirë.

Këto muaj mund t’ju ndihmojnë të ndryshoni kriteret me të cilat zgjidhni njerëzit që lejoni të afrohen.

Më shumë qartësi për të kaluarën mund të sjellë edhe marrëdhënie më të ekuilibruara në të ardhmen.

Peshqit

Këtë herë sfida është të flisni hapur.

Mund të filloni të kuptoni sa herë keni zgjedhur heshtjen në vend që të shprehnit atë që dëshironit vërtet.

Në dashuri, miqësi apo punë, nuk mund të prisni gjithmonë që të tjerët ta kuptojnë vetë se çfarë ju shqetëson.

Sipas Neda Farr, në fund të kësaj periudhe forca juaj mund të mos jetë vetëm intuita, por gatishmëria për ta thënë hapur atë që keni në zemër.

Mos prisni deri sa pakënaqësia të grumbullohet.

Një bisedë e qartë sot mund të shmangë një konflikt shumë më të madh nesër.

Për horoskopin ditor, javor e mujor klikoni këtu