Kryetari i Partisë Demokratike, Sali Berisha, ka shprehur sot një vlerësim pozitiv për ambasadorin e ri të Shteteve të Bashkuara të Amerikës në Shqipëri, Eric Wendt, si dhe ka folur për planet e tij lidhur me udhëtimet drejt SHBA-së.

Gjatë një bashkëbisedimi online me qytetarët, Berisha theksoi se nga informacionet që ka lexuar për diplomatin amerikan, e konsideron atë si një personalitet me eksperiencë të gjerë. I pyetur nëse planifikon të udhëtojë së shpejti drejt Shteteve të Bashkuara, kreu i PD-së u shpreh se do ta bëjë këtë më së shumti me rastin e ndonjë konference, për të cilën do të njoftojë publikisht.