Fakulteti i Mjekësisë në Tiranë ka publikuar listat e plota paraprake të renditjes së kandidatëve për vitin akademik, sipas programeve përkatëse të studimit. Kandidatët e renditur deri te vija e kuqe në këto lista konsiderohen fitues të fazës së parë të Raundit të Parë, bazuar në kuotat e përcaktuara për secilin degë.

Për të gjithë aplikantët që kanë paqartësi ose pretendime lidhur me pikët dhe renditjen, është caktuar një dritare e veçantë për ankimim, e ndjekur nga faza e regjistrimeve zyrtare.

Procedura e ankimimit dhe dokumentet Afati i ankimimit: Kandidatët që kanë pretendime për rezultatin mund të paraqesin kërkesën e tyre me shkrim më 24 gusht 2026.

Dokumentet e nevojshme: Kërkesa duhet të shoqërohet me një kopje të Certifikatës së Maturës Shtetërore dhe një kopje të dokumentit të identifikimit (ID).

Vendi i dorëzimit: Dokumentet duhet të dorëzohen pranë Zyrës së Protokollit të Rektoratit të Universitetit të Mjekësisë, Tiranë (UMT). Përgjigja ndaj ankimimit merret brenda 24 orëve nga dorëzimi.

Nisja e regjistrimeve Regjistrimi i kandidatëve fitues të fazës së parë të Raundit të Parë do të nisë zyrtarisht më 26 gusht 2026.

Të gjithë fituesit duhet të paraqiten pranë sekretarive mësimore të fakulteteve përkatëse për të kryer procedurën e regjistrimit brenda afateve të përcaktuara administrative.