Evropa Perëndimore po përballet me një nga verat më ekstreme dhe më shkatërruese të regjistruara ndonjëherë në historinë e saj. Një seri valësh të njëpasnjëshme të të nxehtit afrikan kanë mbërthyer kontinentin me temperatura që i kalojnë rregullisht 40°C, duke shkaktuar pasoja katastrofike në shëndetësi, agrikulturë, infrastrukturë dhe rezervat ujore.

Të dhënat dhe pamjet satelitore të publikuara nga Observatori i Tokës i NASA-s (të krijuara nga modeli me specifikime të larta GEOS) tregojnë se si kontinentit i është mbivendosur një "kupë e nxehtësisë" (Heat Dome) që nga muaji maj.

Rekorde historike dhe valë të njëpasnjëshme

Sipas shërbimit evropian për ndryshimet klimatike Copernicus, kombinimi i muajve qershor dhe korrik ka shënuar temperaturat më të larta të matura vrejtëherë në Evropën Perëndimore:

Mbretëria e Bashkuar: Që në maj, temperatura në Londër arriti në 35.1°C, duke thyer me 2.3°C rekordin historik të muajit.

Franca: Në Bordeaux, rekordi i temperaturës maksimale u thye për tri ditë rresht, duke kulmuar në 42.5°C më 24 qershor.

Sllovakia: Regjistroi rekorde të reja kombëtare, si për temperaturat maksimale ditore, ashtu edhe për ato minimale gjatë natës.

Kolaps në infrastrukturë dhe zjarre masive

Përveç rreziqeve për jetën dhe shëndetin e njerëzve, vala e pestë e të nxehtit ka përkeqësuar thatësirën e thellë:

Rënia e lumenjve: Nivelit i lumenjve kryesorë ka rënë në kuota kritike, duke vështirësuar prodhimin e energjisë elektrike dhe lundrimin tregtar.

Goditja e rrjeteve: Temperaturat e larta kanë shkrirë e dëmtuar shtresat asfalte të autostradave dhe kanë deformuar linjat hekurudhore.

Zjarret vdekjeprurëse: Mungesa e reshjeve dhe toka e tharë kanë krijuar terren ideal për përhapjen e vatrave masive të zjarrit në rajone ku më parë fenomene të tilla ishin të rralla.