Gjykata e Sarandës ka caktuar masat e sigurisë për personat e arrestuar pas ngjarjes së rëndë në Ksamil, ku humbi jetën një turist portugez. I dyshuari kryesor për vrasjen, Sokrat Vata, do të qëndrojë në burg, ndërsa gjykata ka vendosur masa të ndryshme sigurie edhe për personat e tjerë të arrestuar.

Për Sokrat Vatën, i dyshuar si autor i vrasjes së turistit, gjykata ka caktuar masën e sigurisë “arrest në burg”.

Me të njëjtën masë sigurie janë lënë edhe dy shtetasit turq, Ezgi Parlak dhe Nuh Mahmutoglu.

Ndërkohë, për Ildi Cekanin dhe Ardit Kasemin, gjykata ka caktuar masën e sigurisë “arrest në burg” për një afat 45-ditor.

Për katër të arrestuarit e tjerë, Luciano Seferin, Moisi Matushajn, Romeo Shehun dhe Kristo Koshon, është vendosur masa “detyrim për t’u paraqitur në policinë gjyqësore”.

Vendimet janë marrë në kuadër të hetimeve për ngjarjen e rëndë të ndodhur në Ksamil, ku një turist portugez humbi jetën pas një konflikti.