VLORË – Një zjarr me përmasa të mëdha ka përfshirë zonën e Dukatit në Vlorë, duke vështirësuar ndërhyrjen e forcave zjarrfikëse për shkak të terrenit të thyer malor.

Për përballimin e situatës dhe shuarjen e flakëve janë angazhuar edhe dy avionë, të cilët po kryejnë ndërhyrje nga ajri në zonën e përfshirë nga zjarri.

Terreni malor dhe vështirësia e aksesit në zonat e prekura e komplikojnë ndërhyrjen e mjeteve tokësore, duke bërë që operacioni për neutralizimin e vatrave të zjarrit të mbështetet edhe nga ndërhyrja ajrore.

Forcat në terren vijojnë përpjekjet për të vënë nën kontroll flakët, ndërsa operacioni i shuarjes mbetet në zhvillim.