ELBASAN – Goli i barazimit në sfidën mes Dinamos dhe Pafos u shoqërua me tension të fortë mes dy pankinave, duke sjellë një debat të ashpër në vijën anësore.

Sipas pamjeve nga ndeshja, gjithçka nisi pas festimit të golit nga trajneri i Pafos, Ricardo Sá Pinto. Reagimi i tij shkaktoi pakënaqësi në kampin e Dinamos, ndërsa trajneri Ilir Daja i kërkoi teknikut portugez të ruante qetësinë dhe të tregonte respekt.

Situata u përshkallëzua më tej, teksa Sá Pinto reagoi ndaj ndërhyrjes së Dajës dhe iu afrua pankinës së Dinamos. Stafi i skuadrës qipriote ndërhyri për të parandaluar përshkallëzimin e mëtejshëm të situatës.

Tensionet vijuan edhe në momentet pasuese, ku pati një debat të ashpër mes Sá Pintos dhe zv.trajnerit të Dinamos, Glen Daja. Përplasja u shoqërua me replika dhe gjeste të tensionuara mes dy palëve.

Fakti që Glen Daja është djali i trajnerit Ilir Daja e bëri situatën edhe më të ndjeshme, ndërsa ndërhyrja e pjesëtarëve të dy stafeve ndihmoi në qetësimin e situatës.

Pamjet e incidentit tregojnë momentet e tensionit mes dy pankinave gjatë sfidës. Video