Rjoll, Shkodër – Një 24-vjeçar ka humbur jetën pas një aksidenti të rëndë në det, në zonën mes Rjollit dhe Ranës së Hedhun.

Ngjarja ka ndodhur rreth orës 16:15, në një zonë lundrimi, ku një gomone me tre persona në bord dyshohet se është përfshirë në një incident aksidental. Sipas informacionit paraprak, njëri prej personave që ndodheshin në bord ka rënë nga gomonia dhe është dëmtuar rëndë nga helika e motorit.

Pas marrjes së njoftimit, shërbimet e Policisë Kufitare dhe të Njësisë Policore Detare kanë shkuar menjëherë në vendngjarje.

I riu, Klaus Gjergji, rreth 24 vjeç, është transportuar fillimisht nga shërbimet e Policisë Kufitare dhe më pas me autoambulancë në spital, ku ka marrë ndihmë mjekësore.

Pavarësisht përpjekjeve të mjekëve, Klaus Gjergji ka humbur jetën si pasojë e plagëve të rënda të marra në aksident.

Ndërkohë, grupi hetimor vijon veprimet për dokumentimin e ngjarjes dhe sqarimin e plotë të rrethanave dhe shkaqeve të aksidentit.

Rjoll, Shkodër – Informacion paraprak

Rreth orës 16:15, midis Rjollit dhe Ranës së Hedhun, në thellësi (zonë lundrimi), nga një mjet lundrues gomone, dyshohet se aksidentalisht, njëri prej tre shtetasve që ndodheshin në bord ka rënë nga gomonia dhe është dëmtuar rëndë nga helika e motorit të gomones.

Shërbimet e Policisë Kufitare dhe të Njësisë Policore Detare, me marrjen e njoftimit, kanë shkuar menjëherë në vendngjarje.

Shtetasi K. Gj., rreth 24 vjeç, është transportuar menjëherë nga shërbimet e Policisë Kufitare dhe më pas me autoambulancë në spital për ndihmë mjekësore, por, si pasojë e plagëve të marra, ka humbur jetën.

Ndërkohë, grupi hetimor po vijon veprimet për sqarimin e plotë të rrethanave të rastit.