Vlorë, 20 gusht 2026 – Një 50-vjeçar është dhunuar fizikisht mesditën e sotme në lagjen “10 Korriku” në Vlorë. Policia ka identifikuar dhe shoqëruar njërin prej personave të dyshuar për ngjarjen, ndërsa vijon puna për identifikimin e dy të tjerëve.

Sipas Policisë, ngjarja ka ndodhur rreth orës 15:00, ku Indrit Halili, 34 vjeç, së bashku me dy persona të tjerë ende të paidentifikuar, dyshohet se kanë goditur dhe dhunuar fizikisht shtetasin M. Kapaj, 50 vjeç, banues në Vlorë.

Shkaqet e konfliktit mbeten ende të paqarta dhe po hetohen nga autoritetet.

Si pasojë e dhunës, 50-vjeçari ka marrë dëmtime në pjesën e ballit dhe është transportuar në Spitalin Rajonal të Vlorës, ku ka marrë ndihmën mjekësore.

Policia vijon kërkimet për dy personat e tjerë

Shërbimet e Policisë kanë shoqëruar në ambientet e Komisariatit Indrit Halilin, ndërsa vijon puna për identifikimin dhe kapjen e dy personave të tjerë që dyshohet se kanë marrë pjesë në dhunimin e 50-vjeçarit.

Grupi hetimor po punon për zbardhjen e plotë të rrethanave të ngjarjes dhe dokumentimin e përgjegjësive të personave të përfshirë.