Greqia po përballet me një rritje të ndjeshme të rasteve të virusit të Nilit Perëndimor. Gjatë javës së fundit janë regjistruar 47 raste të reja dhe 4 viktima, duke e çuar bilancin e vitit 2026 në 157 të infektuar dhe 13 persona që kanë humbur jetën.

Situata është veçanërisht shqetësuese për shkak të rasteve të rënda. Aktualisht, 42 pacientë janë të shtruar në spitale, ndërsa 23 prej tyre ndodhen në njësitë e kujdesit intensiv, sipas të dhënave të raportuara nga autoritetet shëndetësore.

Rastet janë evidentuar në disa zona të vendit, përfshirë Atikën, ku janë prekur edhe zona si Dionysos, Kallithea dhe Petroupoli, si dhe në Imathia. Autoritetet vijojnë monitorimin epidemiologjik, ndërsa lista e zonave të prekura dhe me rrezik të lartë është zgjeruar gjatë muajit gusht.

Virusi i Nilit Perëndimor transmetohet kryesisht përmes pickimit të mushkonjave të infektuara. Shumica e personave të infektuar mund të mos shfaqin simptoma të rënda, por në disa raste virusi mund të shkaktojë komplikacione neurologjike, veçanërisht te personat e moshuar dhe grupet e tjera vulnerabël.