Prokuroria e Tiranës po kryen hetime për skandalin e të ashtuquajturit Universiteti i Zall Bastarit.

Nga praktikat e kontrolluara deri tani dhe materialet e sekuestruara janë identifikuar dy mësues të punësuar me diploma false.

Raportohet se mësuesit janë të punësuar njëri në Kukës dhe tjetri në Dibër.

Po ashtu rezulton se edhe një punonjës i hipotekës, Kadastrës, ASHK Fier, është pa shkollë dhe me diplomë false.

Për të tre këta shtetas Prokuroria ka kërkuar nga gjykata pezullimin e menjëhershëm nga puna dhe ndjekjen penale për falsifikim dhe deklarim të rremë.

Universiteti i Zall Bastarit, i cili edhe pse s’kishte godinë apo staf, ka diplomuar me mijëra shqiptarë e shqiptare të interesuar në fusha të ndryshme social-ekonomike të vendit.

Rektori i vetëshpallur i Universitetit të “Zall Bastarit” ishte 51-vjeçari Abas Tafa, jo pak i njohur edhe përpara se të arrestohej në kushtet e flagrancës.

Tafa, një arsimtar dhe ish-drejtor shkolle në Zall Bastar, prej disa vitesh kishte nisur dy karriera. Atë politike që e shfaqte në rrjetet sociale dhe atë të padukshme si rektor në hije, duke prodhuar diploma false kundrejt vlerës 1000 deri në 2000 euro.

Mesditën e 9 prillit 2026, agjentët e krimit ekonomik trokitën në banesën e Tafës, aty ku ai kishte edhe selinë e Universitetit të Zall Bastarit.

Gjatë kontrollit të banesës së 51-vjeçarit, në Zall-Bastar, shërbimet e policisë zbuluan një ambient të fshehtë, të kthyer në laborator për prodhimin dhe falsifikimin e diplomave të shkollave të mesme, universiteteve, programeve master dhe licencave profesionale”.

“Laboratori” ku u zbuluan mijëra diploma/ Si kaloi në heshtje zbulimi i Universitetit të Zall Bastarit

Një magazinë e denjë për ta titulluar Universiteti i Zall Bastar u zbulua në fshatin në periferi të Tiranës.

Në profilin zyrtar të bashkisë së kryeqytetit Zall-Bastari prezantohet si njësi administrative. Sipas të dhënave kjo njësi ndodhet rreth 18 km nga kryeqyteti në një zonë të thyer malore dhe përbëhet nga 12 fshatra.

Territori kodrinor-malor të ofron pamje piktoreske. Në faqet e kodrave deri lart në male, që vijëzohen me rrëpira të shumta, dallohen fshatrat dhe lagjet e tyre, thuhet në përshkrimin e bashkisë.

Më tej vijon me të dhënat gjeografike e demografike: “Zona ka një sipërfaqe të përgjithshme prej 132 km². Në sipërfaqen e përgjithshme 785 ha janë tokë bujqësore dhe 4500 ha janë pyje e kullota. Kjo zonë ka qenë e banuar që në shek. Veprimtaria ekonomike e banorëve bazohet në blegtori, bujqësi, pemëtari e tregti”.

Por ajo që mungon është zbulimi i Krimit Ekonomik në Policinë e Tiranës dhe Prokurorisë, ku me një hetim disa javor arritën të zbulojnë aty edhe një universitet.

Investigimi në MCN TV, ka vendosur ta titullojë Universiteti i Zall Bastarit, i cili edhe pse s’kishte godinë apo staf, ka diplomuar me mijëra shqiptarë e shqiptare të interesuar në fusha të ndryshme social-ekonomike të vendit.

Rektori i vetëshpallur i Universitetit të “Zall Bastarit” ishte 51-vjeçari Abas Tafa, jo pak i njohur edhe përpara se të arrestohej në kushtet e flagrancës.

Tafa, një arsimtar dhe ish-drejtor shkolle në Zall Bastar, prej disa vitesh kishte nisur dy karriera. Atë politike që e shfaqte në rrjetet sociale dhe atë të padukshme si rektor në hije, duke prodhuar diploma false kundrejt vlerës 1000 deri në 2000 euro.

Mesditën e të premtes më 9 prill 2026, agjentët e krimit ekonomik trokitën në banesën e Tafës, aty ku ai kishte edhe selinë e Universitetit të Zall Bastarit.

Policia njoftoi se në operacionin e koduar “Laboratori” u sekuestruan qindra dokumente të dyshuara të falsifikuara dhe sende të tjera të kundërligjshme, që shërbenin për ushtrimin e kësaj veprimtarie kriminale.

Seksioni i Hetimit të Krimeve Ekonomiko-Financiare, nën drejtimin e Prokurorisë, si rezultat i një pune të organizuar, finalizoi operacionin policor të koduar “Laboratori”. Si rezultat i këtij operacioni, u arrestua shtetasi A. T., 51 vjeç.

Gjatë kontrollit të banesës së 51-vjeçarit, në Zall-Bastar, shërbimet e Policisë zbuluan një ambient të fshehtë, të kthyer në laborator për prodhimin dhe falsifikimin e diplomave të shkollave të mesme, universiteteve, programeve master dhe licencave profesionale”.