Shërbimet e Komisariatit të Policisë Vlorë kanë finalizuar me sukses operacionin e koduar antikanabis të quajtur "Afternoon", pas disa javësh hetimesh intensive të kryera me metoda proaktive. Si rezultat i këtij operacioni, është arrestuar në flagrancë një 33-vjeçar.

Në pranga ka rënë shtetasi H. K., banues në fshatin Dukat, i cili u kap nga efektivët e policisë në vendin ku kishte kultivuar 135 bimë të dyshuara narkotike Cannabis Sativa.

Sipas njoftimit zyrtar, pjesa më e madhe e bimëve narkotike u asgjësuan në vend nëpërmjet djegies, ndërsa një sasi e vogël u sekuestrua në cilësinë e provës materiale për t’iu nënshtruar ekspertimit të mëtejshëm.

Policia njofton se kontrollet intensive në të gjithë territorin e qarkut të Vlorës vijojnë me qëllim parandalimin dhe goditjen e kësaj veprimtarie kriminale, ndërsa materialet procedurale i kanë kaluar Prokurorisë pranë Gjykatës së Shkallës së Parë të Juridiksionit të Përgjithshëm Vlorë për veprime të mëtejshme ligjore.

Vlorë/Finalizohet operacioni i koduar “Afternoon”, goditet një rast i kultivimit të bimëve narkotike në fshatin Dukat.

Kapet në flagrancë në vendin ku kishte kultivuar 135 bimë narkotike dhe vihet në pranga 33-vjeçari.

Shërbimet e Policisë të Komisariatit të Policisë Vlorë, si rezultat i hetimeve intensive të kryera me metoda proaktive, për disa javë, për një rast të kultivimit të bimëve narkotike, finalizuan operacionin e koduar “Afternoon”.

Gjatë operacionit, shërbimet e Policisë arrestuan shtetasin H. K., 33 vjeç, banues në fshatin Dukat, i cili u kap në flagrancë në vendin ku dyshohet se kishte kultivuar 135 bimë të dyshuara narkotike Cannabis Sativa. Bimët u asgjësuan nëpërmjet djegies, përveç një pjese që u sekuestrua në cilësinë e provës materiale.

Kontrollet vijojnë në të gjithë territorin e qarkut Vlorë, me qëllim parandalimin dhe goditjen e kësaj veprimtarie kriminale.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.