Një lajm i bujshëm ka qarkulluar nga Brazili, ku raportohet se ish-mbrojtësi legjendar i Real Madridit, Roberto Carlos, është konvertuar në fenë islame.

Ky pretendim u bë publik nga Ali Sahin, deputet i Partisë për Drejtësi dhe Zhvillim (AKP) në Turqi, pas një takimi zyrtar që ai pati në Sao Paulo me përfaqësues të komunitetit mysliman brazilian. Sipas deputetit turk, informacioni i është dhënë nga Shejh Xhihad Hammadeh, një figurë e njohur islame në Brazil dhe nënkryetar i Shoqatës Kombëtare të Juristëve Islamikë.

Hammadeh ka deklaruar se kishte qenë në kontakt me Roberto Carlosin prej kohësh dhe se ish-futbollisti e kishte vizituar rreth katër javë më parë. Gjatë kësaj vizite, sipas të njëjtit burim, 53-vjeçari dyshohet se ka shqiptuar "shehadetin" (deklaratën islame të besimit), duke u konvertuar zyrtarisht në Islam. Pas këtij lajmi, deputeti Sahin ka bërë një postim në rrjetet sociale ku e ka përgëzuar ish-futbollistin brazilian, duke i uruar atij dhe familjes së tij paqe e prosperitet.

Në takimin ku u bë e ditur kjo ngjarje morën pjesë edhe krerë të organizatave të ndryshme myslimane në Brazil, si presidenti i Islamic Charitable Youth League, Charif Neto, dhe ai i Pari Mosque Foundation, Omar Aref.

Nga ana e tij, 53-vjeçari Roberto Carlos – i cili ka një lidhje të fortë me Turqinë pas periudhës kur luajti te Fenerbahce, si dhe është i martuar me agjanten e futbollit me origjinë marokene Suhayla At Tohiri – nuk ka bërë ende ndonjë konfirmim apo reagim publik për të vërtetuar apo mohuar këto pretendime. Për rrjedhojë, lajmi mbetet për momentin i bazuar tërësisht në deklaratat e përfaqësuesve fetarë dhe politikanit turk.

Brezilya’da İslam Toplumları Temsilcileri İle Bir Araya GeldikEfsane Futbolcu Roberto CARLOS Müslüman Oldu…Brezilya’nın São Paulo şehrinde yaşayan ve İslam coğrafyasının en etkili 500 isminden biri olarak gösterilen Sheikh Jihad Hammadeh ile Brezilya İslami Hayırsever… pic.twitter.com/usYFJXdpgZ

— Ali ŞAHİN (@AliSahin501) August 17, 2026