DURRËS, 19 gusht 2026 – Një aksident i rëndë automobilistik ka ndodhur gjatë orëve të para të mëngjesit në rrugën dytësore në Manzë, ku tre persona kanë humbur jetën dhe dy të tjerë janë plagosur.

Sipas informacionit paraprak të policisë, ngjarja është regjistruar rreth orës 02:22. Një automjet, që drejtohej nga shtetasi K. V., ka humbur kontrollin dhe është përplasur me një bordurë betoni.

Si pasojë e përplasjes kanë humbur jetën drejtuesi i automjetit, K. V., 25 vjeç, si dhe dy pasagjerët, S. B., 26 vjeçe, dhe A. M., 15 vjeç.

Ndërkohë, pasagjerët e tjerë, R. V., 25 vjeç, dhe K. D., 16 vjeç, kanë mbetur të dëmtuar. Ata janë transportuar drejt Tiranës për të marrë ndihmë mjekësore.

Sipas policisë, K. D. ndodhet në gjendje të rëndë shëndetësore.

Në vendngjarje ndodhet grupi hetimor, i cili po punon për dokumentimin e plotë të aksidentit dhe zbardhjen e rrethanave dhe shkaqeve të përplasjes.

Durrës/Informacion paraprak

Rreth orës 02:22, në rrugën dytësore në Manzë, shtetasi K. V., 24 vjeç, duke drejtuar automjetin, ka humbur kontrollin mbi drejtimin e tij dhe, për pasojë, automjeti është përplasur me një bordurë betoni.

Si pasojë e aksidentit, drejtuesi i automjetit, shtetasi K. V., 25 vjeç, dhe pasagjerët, shtetasit S. B., 26 vjeçe, dhe A. M., 15 vjeç, kanë humbur jetën.

Pasagjerët e tjerë, shtetasit R. V., 25 vjeç, dhe K. D., 16 vjeç, janë dëmtuar dhe janë nisur drejt Tiranës për ndihmë mjekësore. K. D, ndodhet në gjëndje të rëndë shëndetësore.

Grupi hetimor ndodhet në vendngjarje dhe po punon për dokumentimin dhe sqarimin e plotë të rrethanave të aksidentit.