Vlorë – Një aksident i rëndë rrugor është regjistruar në Bulevardin e Ri, pranë gjimnazit “Halim Xhelo”, ku një automjet është përplasur me një monopatinë elektrike.

Si pasojë e përplasjes, drejtuesi i monopatinës ka mbetur i plagosur rëndë dhe është dërguar për ndihmë mjekësore.

Në vendngjarje kanë mbërritur menjëherë shërbimet e Policisë, të cilat kanë bllokuar përkohësisht segmentin rrugor për të kryer veprimet hetimore dhe për të përcaktuar dinamikën e aksidentit.

Grupi hetimor po punon për zbardhjen e plotë të shkaqeve dhe rrethanave të përplasjes, ndërsa pritet edhe informacion zyrtar mbi gjendjen shëndetësore të personit të plagosur.

Segmenti rrugor ku ndodhi aksidenti është përshtatur së fundmi nga një në dy korsi, me qëllim lehtësimin e qarkullimit dhe reduktimin e trafikut në qytet.

Hetimet për ngjarjen vijojnë.