KOSOVË- Presidentja në detyrë e Kosovës, Albulena Haxhiu, ka shprehur keqardhje për mungesën e partive opozitare shqiptare në takimin konsultativ të organizuar të martën për çështjen e zgjedhjes së kryetarit të ri të shtetit.

Gjatë një konferencë për shtyp pas takimit, Haxhiu bëri të ditur se kryetari i Lëvizjes Vetëvendosje, Albin Kurti, ka konfirmuar qëndrimin se vendi ka nevojë për një president konsensual për të shmangur krizën politike.

Ajo paralajmëroi se mosarritja e një marrëveshjeje politike do ta dërgojë pashmangshmërisht vendin në zgjedhje të parakohshme.

“E kemi parë disa herë. E dimë ku na çon mungesa e dialogut apo refuzimi i takimeve. Kam dëgjuar qëndrimet e partive të pranishme. Të gjitha ishin se duhet të kontribuojmë maksimalisht për çështjen e marrëveshjes për presidentin dhe patjetër të shmangen zgjedhjet e parakohshme.

S’pres që partitë të pajtohen për gjithçka. Pres të jenë të gatshme të flasin për atë që është e domosdoshme për funksionimin e shtetit. Nëse nuk mund të merremi vesh sot, nuk kemi asnjë garanci se një palë zgjedhje të reja do të na bëjnë që të merremi vesh nesër”, tha Haxhiu.