1,388 pasagjerë kanë hyrë në vend përmes Portit të Vlorës me dy tragetet e linjës Brindisi–Vlorë. Në port janë regjistruar gjithashtu qindra automjete dhe dhjetëra mjete të tjera.

VLORË – Fluksi i udhëtarëve në hyrje përmes Portit të Vlorës vijon të jetë i lartë, në kulmin e sezonit turistik.

Sipas të dhënave të raporteve të mbërritjes, gjatë ditës së sotme në Portin e Vlorës kanë mbërritur 1,388 pasagjerë me dy tragetet e linjës Brindisi–Vlorë, “Ionian Star” dhe “European Star”.

Bashkë me pasagjerët, në port kanë hyrë 291 automjete, 10 kampera dhe 31 motoçikleta.

Ndërkohë, në dalje nga Porti i Vlorës janë regjistruar rreth 700 pasagjerë.

Shifrat tregojnë fluks të konsiderueshëm lëvizjesh në port gjatë sezonit veror, veçanërisht në linjën detare që lidh Vlorën me Brindisin.