TIRANË — I pyetur nëse Partia Demokratike do të zhvillojë procesin e primareve për zgjedhjet e ardhshme lokale, kryetari i PD-së, Sali Berisha, ka theksuar se zbatimi i përcaktimeve statutore mbetet një detyrim për partinë.

Gjatë deklaratës së tij, Berisha u shpreh se format dhe rrugët konkrete që do të ndiqen për këtë proces do të vendosen nga forumet drejtuese të partisë në momentin e duhur.

"Mendoj se vendimet do merren në kohën e duhur, por përcaktimet statutore janë përcaktime statutore. Zbatimi i tyre është një detyrim për PD, sidoqoftë forma, rruga që do ndiqet, do përcaktohet nga forumet," u shpreh Berisha.