VLORË – Një ngjarje e rëndë është regjistruar pasditen e sotme në fshatin Mallkeq të Vlorës, ku një 69-vjeçar është gjetur i pajetë në oborrin e banesës së tij.

Sipas informacionit paraprak të Policisë, dyshohet se viktima, me inicialet K. B., ka përdorur armë zjarri. Ngjarja është konstatuar rreth orës 16:00.

Nga të dhënat e para të mbledhura nga autoritetet, dyshohet se 69-vjeçari kishte probleme me depresionin. Megjithatë, motivet dhe rrethanat e plota të ngjarjes mbeten për t’u përcaktuar nga hetimi.

Grupi hetimor ka mbërritur në vendngjarje dhe po kryen veprimet procedurale për dokumentimin e rastit dhe sqarimin e plotë të rrethanave.

Nëse ju ose dikush që njihni po përballet me mendime për vetëlëndim ose vetëvrasje, kërkoni menjëherë ndihmë nga shërbimet e urgjencës ose nga një profesionist i shëndetit mendor.