Ornella Forastefano ishte me origjinë nga Cassano allo Ionio, por prej disa muajsh ishte zhvendosur në Amendolara, ku jetonte së bashku me partnerin e saj. Familja e saj njihej edhe në Trebisacce: fëmijët e gruas drejtojnë një bar në qytetin e Alto Ionio.

Sipas asaj që ka dalë në pah në orët e para pas vdekjes më herët sot, Ornella Forastefano ishte gjithashtu motra e Domenico Forastefano, babait të Pasquale-s, i cili ndodhet i burgosur nën regjimin 41 bis.

Një element biografik që, në këtë fazë, nuk rezulton i lidhur me ngjarjen për të cilën po hetojnë karabinierët.

Ornella Forastefano, sipas asaj që mësohet, është vajza e Antonio Forastefano-s, i cili u vra në një atentat mafioz në Marina di Sibari në vitin 1999.

E ndjera, u gjet e vdekur pranë repartit të urgjencës së Spitalit Trebisacce, në zonën e Kozencës, duke cituar agjencinë partnere italiane të lajmeve, Adnkronos.

Burri 42 vjeçar shqiptar që akuzohet se i mori jetën partneres së tij italiane duke i shkaktuar vuajtje fizike, është lokalizuar në Bari.

E.M., 42 vjeç, shtetas shqiptar me banim në Itali u kap në port teksa po tentonte të futej në traget për tu larguar në drejtim të Shqipërisë, raporton noa.al.

Policia lokale tha se e ka shoqëruar 42 vjeçarin, emrin e të cilit nuk e publikoi dhe po e merr në pyetje në lidhje me vdekjen më herët sot të 46 vjeçares italiane Ornella Forastefano.

"Përpara se të mbërrinin në spitalin Trebisacce, çifti ndaloi në shërbimin e urgjencës mjekësore të Amendolarës. Më pas, ishte i njëjti partner që shoqëroi Ornella Forastefano-n në spitalin Trebisacce. Megjithatë, pasi e çoi në urgjencë, burri dyshohet se u zhduk", citon noa.al një raport të medias italiane.

Gruaja 46-vjeçare pësoi lëndime të rënda dhe trauma të shumëfishta, ndoshta të shkaktuara nga një rrahje, dhunë që e la pa asnjë shans për mbijetesë, raporton media italiane.

Ornella Forastefano ishte motra e Domenico Forastefano dhe vajza e Pasquale Forastefano, një figurë e krimit të organizuar që aktualisht po vuan dënimin me burg.

Reagon bashkia:

"Në një ditë feste për komunitetin tonë, me hidhërim mësuam për një incident të rëndë që ndodhi gjatë natës në Amendolara.

Bashkia e Trebisacce-s shpreh ngushëllimet e saj më të thella për ndarjen tragjike nga jeta të Ornella Forastefano-s, vdekja e së cilës duket se i atribuohet rrethanave që ende po hetohen nga autoritetet kompetente.

Ndërsa hetuesit presin sqarime të plota mbi rrethanat e incidentit, Administrata Bashkiake u shpreh ngushëllimet e saj më të thella fëmijëve të viktimës dhe i gjithë komuniteti i Trebisacce-s shpreh ngushëllimet e saj më të thella."