SARANDË – Shefi i Krimeve në Sarandë, Mateo Bakalli, është dhunuar fizikisht pas një konflikti me disa persona në qytet. Ngjarja është regjistruar në rrethana që ende nuk janë bërë të plota, ndërsa autoritetet kanë nisur hetimet për zbardhjen e saj.

Sipas informacioneve paraprake, Bakalli është përfshirë në një konflikt fizik me disa persona, të cilët ende nuk janë identifikuar. Si pasojë e dhunës, ai ka marrë dëmtime në fytyrë dhe në pjesë të tjera të trupit.

Mëngjesin e sotëm, Bakalli është paraqitur në spital, ku ka marrë ndihmën e nevojshme mjekësore. Ai raportohet se ka pasur hematoma në zonën e syrit dhe lëndime të tjera, ndërsa pas trajtimit ka lënë ambientet e spitalit.

Policia ka nisur hetimet për të dokumentuar ngjarjen, si dhe për të përcaktuar shkaqet, rrethanat dhe personat e përfshirë në konflikt.