Një i ri shqiptar nga Kosova, përballet me 12 aktakuza për vepra penale, pas një kalvari me drejtësinë të cilin ai e ka nisur që kur ishte ende i mitur, 16 vjeç.

Deri sot ai rezultonte person në kërkim për një vrasje të mbetur në tentativë, raporton noa.al.

Arratia ka marrë fund sepse pak orë pasi e paralajmëroi, u dorëzua në policinë e Pejës.

Zëdhënësi i Prokurorisë Themelore të Pejës, Shkodran Nikçi tha: “I dyshuari pas intervistimit nga hetuesit policorë; do të ndalohet për 48 orë me urdhër të Prokurorit të Shtetit. Brenda afatit ligjor do të ndërmerren veprimet e nevojshme".

Dorëzimi erdhi pasi Vezir Haziraj, ishte i dyshuar pas të shtënave me armë zjarri më 7 gusht 2026 në Orrobërdë të Istogut, ku mbeti i plagosur një person.

"I dyshuari Vezir Haziarj, duke e pa se nuk kishte mundёsi largimi ёshtё dorёzuar dhe gjithçka ka shkuar pa ndonjё incident”-, tha policia e Kosovës.

Siç raporton Klan Kosova, në vitin 2018, Veziri u dënua me 6 vjet e 6 muaj burgim për tentim-vrasje të rëndë ndaj të dashurës 17-vjeçare, të cilën e kishte goditur me thikë.

Në atë ngjarje, i riu u akuzua se e qëlloi Majlindës 14 herë me thikë. Vajza qëndroi në koma më shumë se një javë para se të stabilizohet.

Në vijim Veziri ishte dënuar me 4 muaj burg për arratisje.

Sakaq ai mori dhe një tjetër dënim me 4 muaj burgim për vepër penale gjatë qëndrimit në burg.

Aktakuzat e tjera lidhen kryesisht me vjedhje të lehta dhe të rënda, ndërsa disa raste të ngritura që nga viti 2016 nuk janë gjykuar.

Sakaq i riu doli me një mesazh publik ku paralajmëron se di të vetëdorëzohet:

Ndërsa më herët, 6 ditë më parë, doli dhe me një videoselfie ku shpjegon ngjarjet që e përfshijnë: