Një person ka mbetur i plagosur mbrëmjen e sotme në rrugën “Sheshi i Arbërit” në Prishtinë, raporton noa.al.

Ngjarja ndodhi në rrethana të paqarta, autori hapi zjarr me një armë dhe menjëherë më pas u largua me një Mercedes Benz të zi.

Portali i Kosovës, Sinjali, thotë se i plagosuri është Arben Demolli, i cili pas ngjarjes është nisur me urgjencë drejt QKUK-së për trajtim mjekësor.

Sipas informacioneve të para, Demolli është qëlluar me armë zjarri në rrethana që ende po hetohen, ndërsa personi i dyshuar është larguar menjëherë nga vendi i ngjarjes me një Mercedes të zi, në drejtim të panjohur, raportohet për ngjarjen.

Njësitet policore ndodhen në vendin e ngjarjes dhe kanë nisur kërkimet për lokalizimin e të dyshuarit.

Në vendin e krimit është gjetur edhe një armë zjarri, e cila është sekuestruar në kuadër të veprimeve hetimore. Dyshimet janë se autori e ka flakur armën dhe është larguar, por kjo mbetet të sqarohet nga hetimet në zhvillim.

Kohët e fundit ka një shtim të ngjarjeve kriminale edhe në Kosovë.