Një aksident tragjik ka ndodhur mëngjesin e sotëm në rrugën Bukosh–Savrovë, në Suharekë, ku ka humbur jetën një 29-vjeçare.

Viktima është identifikuar, ajo është Arijeta Rexhep Luzha, 29 vjeçe, nga fshati Vraniq i Suharekës.

Lajmi është konfirmuar nga Policia e Kosovës për rajonin e Prizrenit.

Sipas të dhënave paraprake, aksidenti ka ndodhur pas përplasjes së dy automjeteve.

Përveç 29-vjeçares që humbi jetën, një person tjetër ka pësuar lëndime trupore dhe është dërguar për trajtim mjekësor.

Ndërkohë, familjarët kanë njoftuar se varrimi i të resë do të zhvillohet nesër, më 16 gusht, në orën 15:00, në varrezat e fshatit Vraniq.

Policia vijon hetimet për zbardhjen e plotë të rrethanave dhe shkaqeve të aksidentit tragjik.