Një zjarr ka përfshirë pasditen e kësaj të shtune Fabrikën e Dekorimit në Gjakovë.

Ngjarja është raportuar rreth orës 16:00, ndërsa sipas Njësisë Profesionale të Zjarrfikësve dhe Shpëtimit në Gjakovë, zjarri ka rënë në mbetjet e bykut të vendosura në kazanët e fabrikës.

Pas marrjes së njoftimit, ekipet e zjarrfikësve kanë ndërhyrë në kohë dhe kanë arritur të lokalizojnë situatën.

Ndërhyrja e shpejtë ka parandaluar përhapjen e flakëve në pjesët e tjera të objektit.

Deri në këtë fazë nuk raportohet për persona të lënduar, ndërsa rrethanat e sakta të rënies së zjarrit mbeten për t’u përcaktuar.