Gjatë protestës së zhvilluar mbrëmjen e sotme në Tiranë, një prej protestuesve deklaroi se qytetarët do të vijojnë rezistencën deri në largimin e qeverisë.

Në fjalën e tij para protestuesve, ai tha se ditët e qeverisë së Edi Ramës, sipas tij, janë të numëruara dhe se vendi duhet t’i besohet një brezi të ri.

“Do rezistojmë derisa kjo qeveri të bjerë poshtë. Ditët i ka të numëruara. Edi Rama nuk do të ketë të gjatë. Rinia do ta marrë udhëheqjen dhe do të krijojë një qeveri që t’i shërbejë popullit”, u shpreh protestuesi.

Ai u bëri thirrje qytetarëve që të vijojnë të qëndrojnë të bashkuar deri në përmbushjen e kërkesave të tyre.

“Prandaj vazhdoni të qëndroni, të qëndrojmë bashkë derisa të arrijmë atë ditë”, përfundoi ai.