Radhë të gjata automjetesh janë krijuar pasditen e sotme në të dyja anët e pikës së kalimit kufitar të Qafë Thanës, duke sjellë vonesa të konsiderueshme për udhëtarët.

Fluksi i lartë i lëvizjeve ka shkaktuar trafik të rënduar në zonën kufitare, ndërsa qytetarët që udhëtojnë në të dyja drejtimet janë detyruar të presin gjatë për përfundimin e procedurave të kontrollit kufitar.

Situata është krijuar në një prej ditëve me fluks të lartë të sezonit turistik, kur numri i udhëtarëve që lëvizin përmes kësaj pike kufitare është ndjeshëm më i lartë.

Pritjet janë raportuar në të dyja anët e kufirit, ndërsa procesi i kalimit vijon mes radhëve të gjata dhe ngadalësimit të qarkullimit.

Udhëtarët që po kalojnë Qafë Thanën u duhet të tregojnë durim, ndërsa pritet që fluksi i lartë i lëvizjeve të vijojë edhe gjatë orëve në vazhdim.