Gjykata e Apelit ka vendosur të pranojë kërkesën e Petri Bozos për lirim nha burgu dhe ka vendosur për të masën e sigurisë së arrestit shtëpiak.

Mësohet se Gjykata e Apelit Tiranë ka urdhëruar lirimin e menjëhershëm nga paraburgimi të regjisorit Petri Bozo, i njohur më së shumti për organizimin e spektakleve për miss-e.

Më herët gjykata e Rrethit në Elbasan e kishte hedhur poshtë kërkesën e Bozos për nxjerrjen nga burgu dhe urdhëroi mbajtjen në qeli.

Vendimi u ankimua dhe dje Gjykata e Apelit Tiranë e ka rrëzuar vendimin e Shkallës së Parë duke vendosur masë më të butë sigurie që e lë jashtë burgut të dyshuarin për aksidentin fatal në Elbasan.

Më herët, në 15 korrik, gjykata e Apelit kishte lënë në fuqi vendimin e shkallës së parë.

Ngjarja e rëndë ndodhi mëngjesin e 25 majit pranë shkollës së fshatit Mengël, në Elbasan. Viktima, një nxënës i klasës së parë, humbi jetën pasi u përplas nga automjeti që drejtohej nga Petri Bozo.

Sipas dosjes hetimore, Algiti 7-vjeçar ndodhej pranë rrugës së bashku me nënën e tij, pasi kishin shoqëruar motrën e tij në shkollë, kur ndodhi aksidenti fatal.

Vendimi i Gjykatës Elbasan më 28 maj 2026:

“Në përfundim të shqyrtimit gjyqësor, gjykata vendosi: -Të pranojë kërkesën e Prokurorisë;

-Të vlerësojë si të ligjshëm arrestimin në flagrancë të P.B., të kryer më 25 maj 2026;

-Të caktojë ndaj tij masën e sigurimit personal “Arrest në burg”.

Sipas dosjes hetimore, P.B. dyshohet për kryerjen e veprës penale të parashikuar nga neni 290/3 i Kodit Penal, që lidhet me shkeljen e rregullave të qarkullimit rrugor me pasojë vdekjen.

Gjykata urdhëroi që i dyshuari të dërgohet në një institucion të ekzekutimit të vendimeve penale, në dispozicion të organit procedues, ndërsa ngarkoi Prokurorinë dhe policinë gjyqësore për zbatimin e vendimit.

Ndaj këtij vendimi mund të bëhet ankim në Gjykatën e Apelit të Juridiksionit të Përgjithshëm Tiranë brenda 5 ditëve nga njoftimi i tij”., shkruhet në njoftim.

NJOFTIM PER SHTYP MASA SIGURISE NGAJ P.B