Presidenti i Iranit bëri ironi publike me homologun e tij amerikan Donald Trump kur u shpreh se i ka bërë llogaritë me inteligjencës artificiale, por i dolën gabim dhe u përmbysën.

Masoud Pezeshkian i bëri deklaratat në Konferencën e 11-të Ndërkombëtare të Luftëtarëve në Mërgim.

Ai tha se "megjithëse armiqtë i kanë mbyllur të gjitha rrugët, me ndihmën e Zotit do të hapim rrugë të reja dhe do të gjejmë një mënyrë për t’i shërbyer popullit të Iranit.”

Ndërsa shtoi: "Armiqtë mendonin se, përmes krijimit të pasigurisë dhe presionit, mund ta çonin vendin drejt urisë, plaçkitjes dhe shpërbërjes sociale; por llogaritjet e tyre, të bazuara në të dhënat e inteligjencës artificiale, rrjetet e spiunazhit, elementët e paguar dhe përfaqësuesit e tyre të brendshëm, u përmbysën njëra pas tjetrës. Siç kishte thënë Lideri i ndjerë, populli u ngrit në këmbë dhe u mobilizua, doli në skenë dhe krijoi një barrierë të fuqishme përballë komplotëve.”

Në vijim, ai premtoi: “Megjithëse i kanë mbyllur të gjitha rrugët, me ndihmën e Zotit do të hapim rrugë të reja dhe do të gjejmë një mënyrë për t’i shërbyer Iranit.”

Deklaratat e presidentit të Iranit erdhën pak orë pasi Trump deklaroi se do të shpallë ngushticën e Hormuzit territor amerikan.