KROACI – Një zjarr masiv ka përfshirë zonën e Omishit, në bregdetin Adriatik të Kroacisë, duke shkaktuar të paktën një viktimë, një person të zhdukur dhe rreth 40 të plagosur.

Gjatë operacioneve të kërkim-shpëtimit, policia gjeti trupin e një gruaje. Ndërkohë, autoritetet kanë raportuar edhe zhdukjen e një shtetaseje boshnjake 34-vjeçare. Deri tani nuk është konfirmuar nëse dy rastet kanë lidhje me njëri-tjetrin.

Dhjetë persona në terapi intensive

Flakët, të favorizuara nga erërat e forta dhe temperaturat e larta, kanë përfshirë një sipërfaqe prej rreth 10 mijë hektarësh, ndërsa janë dëmtuar banesa, biznese, automjete dhe mjete lundruese.

Rreth 40 persona kanë marrë ndihmë mjekësore në Split, ndërsa 14 janë shtruar në spital. Dhjetë prej tyre ndodhen në terapi intensive. Mes pacientëve në gjendje të rëndë janë edhe një 17-vjeçar dhe disa të rritur që janë intubuar.

Për shuarjen e zjarrit janë angazhuar rreth 300 zjarrfikës dhe 93 automjete, ndërsa në operacionet nga ajri janë përfshirë edhe katër avionë zjarrfikës.

Mijëra persona u evakuuan

Për shkak të përhapjes së shpejtë të flakëve, autoritetet evakuuan mijëra banorë dhe turistë nga zonat e rrezikuara.

Rreth 2,400 persona u strehuan në qendrat e pritjes në Omish, Split dhe Makarska, ndërsa ekipet e emergjencës vijuan punën për mbrojtjen e zonave të banuara.

Shefi i zjarrfikësve kroatë, Slavko Tučaković, e cilësoi situatën si “një nga zjarret më të këqija në historinë e Kroacisë”, duke e përshkruar përhapjen e menjëhershme të flakëve si një “stuhi zjarri”.

Autoritetet kanë bërë të ditur se situata është tashmë më e qëndrueshme, por zonat e prekura vijojnë të monitorohen për shkak të rrezikut të riaktivizimit të vatrave. Temperaturat e larta favorizojnë zjarret

Kroacia dhe vendet e tjera të Ballkanit po përballen me një valë të fortë të nxehti, e shoqëruar me thatësirë dhe erëra të forta. Kushtet ekstreme atmosferike kanë favorizuar përhapjen e shpejtë të zjarreve në disa zona të rajonit.

Autoritetet kroate vijojnë monitorimin e situatës, ndërsa ekipet e emergjencës mbeten në gatishmëri për ndërhyrje në rast të riaktivizimit të flakëve.

#BREAKING Disastrous wildfires are raging near Omis, Croatia.At least 36 people have been injured, 14 hospitalized. Seven are in critical condition. More than 1,000 have been evacuated.More than 200 people were rescued from the coastline after fleeing the wildfire. pic.twitter.com/Ks7Q5ZokHz

— The National Independent (@NationalIndNews) August 14, 2026

#Repost @dalmatinski_portal

Horor u Stanićima: Apokaliptične slikePožar je načinio golemu štetu pic.twitter.com/GXPucNkTKg

— Željko Kisa (@ZeljkoKisa) August 14, 2026

A devastating forest fire is currently raging near Omiš, Croatia. Several homes have already been destroyed, while many more remain at risk as the flames continue to spread through the surrounding areas. pic.twitter.com/WwqW4jweIl

— Weather Monitor (@WeatherMonitors) August 14, 2026

Last night's wildfire near Omiš, Croatia, was captured in apocalyptic footage that looked like it was ripped straight from a movie. pic.twitter.com/W038Qg3HG1

— RIFFAT KAUSAR (@k_scandinavia) August 14, 2026